L’asamblea de trabayaores de Tenneco refuga por unanimidá dafechu’l plan de la empresa y corta los accesos a l’autopista

Última hora

La totalidá la plantía Tenneco (216 trabayadores) refugaron, por unanimidá dafechu, el plan de viabilidá presentáu ayeri pola dirección de la empresa, por considerar que dichu plan supon un zarru tapáu de la planta.

Ensin un solu votu discordante, la totalidá de los y les 216 trabayadores refugaron el plan de la empresa y, darréu, entamaron una movilización pa cortar los accesos a l’autopista, en señal de protesta.

Los voceros de los y les trabayadores de Tenneco resaltaron la total xunidá demosada pola Asamblea y fixeron un llamamientu a participar, xunta les demás Asamblees de Trabayadores en Llucha n’Asturies, na manifestación a la escontra los despidos y los pieslles d’empresa, que va tener llugar el próximu sábadu 17 mayu y que va salir a les 18:00 h. de la plaza d’América d’Uviéu.