La CSI cola oficialidá del asturianu

Manifestación pola Oficialidá de la llingua asturiana.

Convoca: Xunta pola defensa de la llingua asturiana.

La Corriente Sindical d’Izquierda fae un llamamientu a tola clas obrera asturiana, a participar na manifestación pola oficialidá del Asturianu, convocada pola Xunta pola Defensa de la Llingua Asturiana pal prósimu vienres 9 de mayu.

Desde la CSI camentamos que la oficialidá del Asturianu ye un derechu fundamental del nuesu pueblu y que yá nun se puede caltener por más tiempu esta situación d’abandonu.

Lo mesmo que los derechos llaborales y económicos, la clas obrera asturiana tien d’algamar la reconocencia de los sos derechos culturales, la pervivencia de la so llingua y la so tresmisión a les xeneraciones que vienen darréu.

¡Tamos fartos/es de glayar l’asturianu llingua oficial!

¡Los idiomes, la cultura tamién son drechos!