Solidaridá de la CSI colos sindicalistes ucranianos

La Corriente Sindical d’Izquierda quier asoleyar la so solidaridá colos sindicalistes y civiles ucranianos que fueron asesinaos por grupos nazis, na ciudá de Odesa.

Estos asesinatos constitúin un auténticu xenocidiu consentíu pol Gobiernu golpista de Kiev, que sigue afalando y practicando una represión criminal a la escontra de toes aquelles persones que s’oponen a los sos dictaos.

Europa nun puede siguir siendo cómpliz de qu’esta barbarie sía’l modelu democracia que s’instale n’Ucrania. Pa la CSI, combatir al facismu ye una prioridá de la clas obrera, yá seya nÚcrania, n’Asturies o en cualisquier llugar del mundu.

Por ello, dende la CSI esiximos a los gobiernos europeos una intervención diplomática, política y económica inmediata n’Ucrania, pa frenar les masacres que los grupos nazis, al serviciu’l Gobiernu ultraderechista, tán realizando en dichu país y se garantice la integridá y la seguridá del pueblu ucranianu.