Concentración pola llibertá de Isma y Miguel, encarcelaos a raíz de la manifestación del 22 de marzu en Madrid

Les organizaciones y colectivos que formen ¡Asturies de pies!, convoquen una concentración, el prósimu llunes 28 d’abril, a les 19:30 h., na plaza L’Humedal de Xixón, pa desixir la llibertá d’Isma y Miguel, que siguen en prisión dempués de la so detención arriendes la manifestación del pasáu 22 de marzu en Madrid.

Los mesmos que nos despiden, que nos quiten les melecines, piésllennos hospitales, niéguennos la educación, desanicien los servicios sociales y oblíguennos a vivir na miseria, nun dulden en gastar millones d’euros en material antidisturbios p’allanciase a una política represiva na que los y les trabayadores, que son les verdaderes víctimes de la crisis, son trataos como delincuentes cuando salen a la cai col únicu oxetivu de pidir un trabayu y una forma de llevar el pan pa la so casa.

Sicasí, el Gobiernu utiliza una vara de midir distinta cuando, por casu, non yá nun escuerre los delitos de fraude fiscal, fuximientu d’impuestos o corrupción, sinón que los amnistía, los premia y garantiza la impunidá de quien cometen dichos delitos.

¡NIN UNA PERSONA SOLA ÉNTE LA REPRESIÓN!. ¡XUSTICIA SOCIAL!.

ENTAMA: ¡ASTURIES EN PIE! (Formen parte de ¡Asturies en Pie!: CSI, CGT, CNT-Xixón, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU).