Nueva traducción: La CSI gana las elecciones en la empresa HP Consultoría y Aplicaciones.

CSI-HP

La Corriente Sindical d’Izquierda vien de ganar les eleIciones sindicales na empresa HP Consultoría y Aplicaciones, que se cellebraron güei n’Uviéu.

Con un 77% de participación, la CSI fízose con un 92% los votos, que-y permitieron algamar los cinco delegaos de que consta’l Comité d’Empresa.

En pallabres del voceru de la CSI:

“queremos dar les gracies pola alta participación nel procesu eleutoral y pol vuesu enfotu na llista presentada pola CSI. Esta resultancia danos fuerces pa siguir cola mesma llínea sindical que llevemos estos caberos años, y sobremanera pa encarar el futuru inciertu que se nos presenta, cola determinación y el compromisu de defender toos y caún de los puestos de trabayu d’esta oficina.

Prúyenos recordar que’l Comité d’Empresa namá ye la estensión de la voz de la plantiya, y l’Asamblea de trabayadores y trabayadores de HP n’Uviéu va ser la única soberana nel intre de tomar les decisiones”.