Victoria hestórica de los/les trabayaores de Tenneco

L’Asamblea Trabayadores de Tenneco vien d’algamar una victoria hestórica al forzar la reapertura de la planta Tenneco en Xixón, tres meses de llucha y ocupación de la fábrica.

Magar que la propuesta la empresa tien de ser aldericada en detalle colos y coles trabayadores, la puesta en marcha de la planta ye inminente.

Pa la CSI esta victoria supón l’ésitu d’una forma estremada de faer sindicalismu que, adulces, ta abriéndose pasu n’Asturies. Un sindicalismu basáu nel respetu dafechu a la voluntá de les asamblees de trabayadores, na unidá obrera percima los intereses de les direiciones sindicales y nuna llucha firme, ensin vender los puestos de trabayu y ensin aceutar más despidos nin más pieslles d’empresa.

Dende la CSI afalagamos al restu d’Asamblees de Trabayadores en Llucha n’Asturies a que sigan la so marraza y tornen cada puestu trabayu y cada derechu llaboral nuna trinchera dende la que defender el nuesu futuru y el de les nueses fíes y fíos.

La llucha obrera y el sindicalismu de clase y asambleariu tán marcándonos el camín a siguir, pa ganar na cai lo que nos roben nos despachos.

La lucha obrera y el sindicalismo de clase y asambleario nos están marcando el camino a seguir, para ganar el la calle lo que nos roban en los despachos.