Xuicíu por despidu a una trabayaora d’ADICAE, afiliada a la CSI y collaboradora d’insubordinadas escontra la deuda.

Esiximos la realmisión de la téunicu d’Asturies despidía, porque los derechos de los consumidores nun se defenden frayando los de les trabayadores.

L’asociación de consumidores ADICAE foi denunciada pola técnicu que defendió a los consumidores nel caberu añu y mediu n’Asturies, especialmente tres l’españíu’l fraude la delda subordinada de Caxastur. El xuiciu va cellebrase’l miércoles 9 d’abril tres la falta voluntá per parte l’asociación d’algamar dalgún alcuerdu.

La trabayadora denunció irregularidaes na aplicación del conveniu colectivu de “Despachos y oficines”, motivu pol que considera que foi despidía. Esta llicenciada en derechu fíxose cargu de l’apertura de la oficina de ADICAE n’Asturies en payares de 2012, concatenando contratos de “eventual por circunstancies de la producción” y “obra o serviciu”, a tiempu completu, hasta avientu de 2013, momentu en que’l so contratu nun ye “anováu”. Ello ye que la trabayadora espón que s’incurría en fraude de llei al abusar de contratos per “obra y serviciu”, cuando en realidá la xera yera’l caltenimientu d’una oficina que sigue en funcionamientu.

Mientres esti tiempu realizó funciones -xeres informatives, movilizaciones, caltuvo xuntes con estremaes asociaciones y representantes institucionales qu’entepasaben la categoría de “auxiliar alministrativu” so la que yera contratada, siendo’l so salariu bien inferior al correspondiente al trabayu realizáu realmente.

Amás, realizaba hores estraordinaries (les persones que collaboraben voluntariamente pudieron comprobalo) p’ayudar a los socios a presentar reclamaciones que nun yeren compensaes nin económicamente nin al traviés de díes de reposu. Ello ye que según la demanda presentada, “la empresa obligar a apurrir por escritu, una declaración pola que la demandante comprometer a dedicar hores “voluntaries” fuera del so horariu de trabayáu, a actividaes de l’asociación no que la empresa denominaba “compromisu asociativu” y que la trabayadora viose compelida énte’l requerimientu la empresa”.

Esti nun paez ser un casu aislláu. Diverses ex-emplegaes contactaron cola despidida pa informar de práutiques similares y de procesos de demanda contra ADICAE.

Nun podemos aceptar qu’una asociación de consumidores se porte como les entidaes que denunciamos, con polítiques llaborales que nun tomen en cuenta a les persones y que van en perxuiciu de los nuesos derechos. Dempués de denunciar los despidos y desahucios impulsaos por Caxastur y otres entidaes, nun vamos quedanos de brazos cruzaos énte l’incumplimientu de derechos básicos.