El Tribunal superior de xusticia d’Asturies ordena la execución de la sentencia qu’anuló l’ERE de Tenneco

L’Asamblea Trabayadores de Tenneco dio un nuevu pasu alantre al algamar que’l Tribunal Superior de Xusticia d’Asturies dictara un autu pol que s’ordena la execución de la sentencia qu’anulaba l’ERE llantáu pola direición de la empresa Tenneco.

Magar que cabo recursu d’impugnación nel plazu cinco díes, la empresa tien un plazu de quince díes pa reincorporar a tolos y toles trabayadores de Tenneco al so puestu trabayu.

Coles mesmes, los voceros de l’Asamblea Tenneco solicitaron entevistes col Delegáu del Gobiernu n’Asturies y el Ministru d’Industria, coles mires de faer realidá, cuanto anantes, la reapertura la planta y la reincorporación al puestu trabayu de la totalidá la plantía.