8 de marzu, bloque críticu na manifestación: Si nun mos respeten mos faeremos respetar

Muyeres en llucha CSI

Sobren motivos pa salir a la cai y lluchar pola nuesa llibertá!:

Pol nuesu drechu a decidir; al respetu de los drechos sexuales y reproductivos de les muyeres; a tener vides dignes y vivibles; por un trabayu dignu con igual trabayu/igual salariu; por un sistema educativu públicu, llaicu y de calidá, qu’amás incluya educación afectivu-sexual feminista; un sistema de salú públicu, universal y de calidá que incluya la IVE y tolos servicios necesarios pa atender les nueses necesidáes; servicios y recursos sociales públicos, rellativos a la dependencia, a l’acoyía a persones migrantes y escontra la violencia machista.

¡Non a la violencia estructural escontra les muyeres!