Concentración de sofitu nel xuicíu escontra Carlos Muñiz (de Para@s y precarir@s d’Asturias), acusáu de daños por facer pintaes escontra’l paru.

¡ASTURIES EN PIE!. POLA XUSTICIA SOCIAL!

Carlos Muñiz ye miembru activu de Para@s y Precari@s d’Asturies, y foi Ú de los sos impulsores dende l’intre la so creación.

Ensin trabayu, ensin prestaciones por desempléu, ensin dengún ingresu y consciente de que denguna institución (Gobiernos, Parlamentos, Conceyos…) diba facer absolutamente nada nin por él nin por naide, impulsó, xunta otros compañeros y compañeres de Para@s y Precari@s d’Asturies, un proyeutu de trabayu agrariu, porque hai que llevar la comida a casa, y en réxime de cooperativa, porque Carlos cree que ye posible construyir un sistema trabayu igualitariu, ensin esplotadores nin esplotaos.

La so llucha polos derechos de la clas obrera, a la escontra’l paru, la precariedá, la miseria y l’inxusticia social, llevólu, tamién, a ser militante de la Corriente Sindical d’Izquierda y a collaborar en munches de les lluches sociales que tán desendolcándose n’Asturies.

Pero a les persones solidaries, qu’engarren pola xusticia social y pola repartida xusta de la riqueza, l’Estáu criminalízala y pretende faeles pasar por simples delincuentes. Por eso Carlos agora tien qu’enfrentase a la risible acusación de daños pola realización de pintaes a la escontra’l paru.

Dende ¡Asturies en Pie! pidimos la vuesa solidaridá con Carlos Muñiz y desiximos l’archivu darréu de la causa abierta a la so escontra.

¡NIN UNA PERSONA SOLA ÉNTE LA REPRESIÓN!. ¡NIN UNA PERSONA SOLA NA LLUCHA POLA XUSTICIA SOCIAL!.

(Formen parte de ¡Asturies en Pie!: CSI, CGT, CNT, SUATEA, FUSOA, Centru Social Autogestionado La Semiente, Centru Social Sestaferia, Asociación Picu Rabicu, Para@s y Precari@s d’Asturies…).