CCOO denuncia a trabayaores de Caxastur/Liberbank por protestar escontra l’ERE fraudulentu anuláu pola Audiencia Nacional

(Los burócrates sindicales de CCOO, amás de corruptos y traidores, chivatos y confidentes policiales)

Los díes 17 y 18 de xunetu del añu pasáu, decenes de trabayadores de Cajastur concentrámonos delantre de les sedes de CCOO y UXT n’Uviéu, pa protestar pola so firma d’un ERE fraudulento en Liberbank y pola so complicidá absoluta nos planes de Manuel Menéndez (el Banqueru del PSOE) pa financiar el so bancu priváu por aciu un brutal plan d’axuste que contemplaba retayos salariales d’hasta un 60% en cuenta de nada.

Esti ERE foi declaráu nulu en noviembre pola Audiencia Nacional, que condergó a Liberbank, CCOO y UXT per violación del derechu a la Llibertá Sindical. Cumpliendo les sos promeses de reeditar l’anterior estafa, CCOO y UXT (y agora tamién CSIF) volvieron roblar un ERE d’espaldes a los/les trabayadores un mes dempués de que l’Audiencia anulara l’anterior

El día 18, segunda xornada de diches movilizaciones contra la firma del ERE, el máximu mandatariu de CCOO en Liberbank, Carlos Genillo, procedente de Castiella La Mancha, refugó dar esplicaciones alrodiu de la so traición los/les trabayadores concentraos delantre del local del so sindicatu, al salir d’una xunta (namá pa afiliaos, anque roblaron los retayos que nos los aplicaren a toos). Ante la so negativa, aportunamos nes nueses demandes de respuestes, polo que, dempués d’un conato de mediu maratón, el susodichu directivu sindical acabó abelugándose na Comisaría de Policía allugada frente al Hotel de Reconquista.

Agora, meses dempués, un Xulgáu d’Uviéu ta llamando a declarar a dellos trabayadores por estos fechos, arriendes de una denuncia presentada por CCOO neses feches. Por aquello de que promover ERE’s ente los/les trabayadores del sindicatu fai que munches fidelidaes sédense, tuvimos accesu a dicha denuncia, una obra maestra de la delación y del macartismo, que reproducimos de siguío, respetando’l formatu y la sintaxis orixinales:

“ Instructor: 71077 Atestáu nº:13669/13

Secretariu:89268 Dependencia: Uviéu-Oficina de Denuncies

N’Uviéu, siendo les 13 hores 38 minutos del día 18 de xunetu de 2013, ante l’Instructor y Secretariu enriba mentaos.

–COMPAREZ: En calidá de denunciante, quien por aciu DNI XXXXX acredita ser (equí van los datos personales d’un burócrata, que trabayó trés cuartos d’hora en tola so vida, lliberáu dende muncho primero de que l’euru entrara a valir, prepotente xefe de personal de CCOO, especialista en ERE’s y despidos fraudulentos. Especialista n’aplicalos, obviamente, non n’engarrar contra ellos).

–MANIFIESTA: Que denuncia los fechos que se detallen de siguío, asocedíos ente les 17:00 del día 17/07/2013 y les 18:00 hores del día 17/07/2013, n’otru llocal o establecimientu; Cai Santa Teresa de Jesús,15, CCOO d’Uviéu (Asturies).

–Que se presenta nestes dependencies como responsable de patrimoniu de Comisiones Obreres d’Asturies.

–Qu’el día 17/07/2013 sobre la hora reseñada, persones pertenecientes a la Corriente Sindical d’Esquierdes realizaron una convocatoria de manifestación enfrente de la see de CCOO d’Asturies sita nel llugar reseñáu:

–Que les persones reseñaes nun momentu dáu de la citada manifestación realizaron actos vandálicos contra les parés de la citada see asi como nes puertes y hall d’entrada a la mesma.

–Que los actos vandálicos consisten en diverses pintaes tales como VENDÍOS, TRAIDORES, JUDAS tou ello realizáu con pintura de color negru.

–Qu’a los presentes axunta tres fotocopies de semeyes de les citaes pintaes.

–Que quier faer constar qu’una de les persones que realizó dichos actos ye un individuu que se llama Marcos, que trabaya en Cajastur y pertenez a la Corriente Sindical d’Esquierdes de la citada Caxa como delegáu.

–Qu’asina mesmu na páxina d’internet de la Corrientes Sindical d’Esquierda d’Asturies apaez un video nel momentu de les pintaes.

–Qu’en la see de CCOO nun esisten cámares de grabación, pero na see del Partíu Socialista d’Asturies que s’atopa asitiáu enfrente del mesmu si hai cámares de grabación.

–Que nun valora los daños.

–Que nun tien más que dicir, roblando la so declaración en prueba de conformidá, n’unión del Instructor. CONSTE Y CERTIFICO.”

Darréu a esta denuncia CCOO apurre una factura que valora en 900 euros (¿¿??) l’importe de la llimpieza de les pintaes supuestamente realizaes neses feches. Suponemos que dicha factura foi ellaborada colos mesmos criterios de contabilidá creativa con que se valora’l costu de los cursos de formación pa la solicitú de subvenciones y otres corruptelas varies. Non por casualidá, a partir de 400 euros estos supuestos daños pasaríen de la categoría de falta a la de delitu, coles consecuencies penales correspondientes pa quien resultaren condergaos por realizar los.

Per otru llau, pa tolos compañeros que participaron nesta movilización, rescampla que resulta absolutamente infundada la imputación de les pintaes o cualesquier otru “actu vandálico” al trabayador que figura na denuncia, por motivos bastante obvios (¿El megáfonu nuna mano y l’esprái n’otra? Somos arteros, pero non tantu como nos suponen esta peada de chivatos de CCOO).

Sía que non, mientres inda nun hai naide (pel momento) procesáu pol monumental atracu de la privatización/lliquidación de Cajastur, dos representantes de los/les trabayadores tán imputaos por esta denuncia de CCOO: Bernardo Alvarez (CSICA) y Marcu Antuña (CSI).

Bernardo emprestó declaración el llunes nos xulgaos d’Uviéu y Marcu va declarar el miércoles 26 nos xulgaos de Pola de Siero.

Vamos Siguir informando.

19 de febreru de 2014