Urgente, pasacalles en contra las nuevas detenciones de inmigrantes

Ayeri tarde tuvo llugar una nueva detención d’una persona inmigrante a les puertes de l’asociación Asturies Acueye.

Güei sale un vuelu de deportación dende Madrid, con destín Dakar. Pa enllenar esi vuelu s’escorrió y encarceló a inmigrantes senegaleses en distintos territorios del Estáu español, ente ellos Asturies.
Dende la Ruta contra’l racismu y la represión creemos que nun se puede dexar que les persones migrantes sían escorríes nenyures, pero menos entá na see Asturies Acueye, de Cruz Roja o del Padrón Municipal como asocedió nes últimes selmanes n’Uviéu. Por eso queremos denunciar, una vegada más, les redaes racistes, la situación d’indefensión, de persecución que sufren estes persones gracies al trabayu puercu de la Brigada d’Extranxería, sol mandu del Delegáu del gobiernu en Asturies.
Y queremos qu’esa denuncia sía pública y colectiva, pa lo que vos convocamos esta mesma tarde, a les 21:30h a un “pasacalles” informativu pol barriu nel que s’atopa la see d’Asturies Acueye. El pasacalles va salir de les puertes de l’asociación (C/ Escura, 4, Uviéu)

Convoca: Ruta contra’l racismu y la represión.