La chispa de la ruina. Miles de personas sofiten a los/les trabayaores de Coca-cola na marcha escontra los despidos

Miles de persones allegaron a la marcha-manifestación convocada polos y poles trabayadores de Coca-Cola, a la escontra’l pieslle y los despidos na factoría.

La marcha salió a les 10:30 h. de la planta de Cualloto y percorrió 6 Kms. hasta la llegada a Uviéu, onde se tornó nuna multitudinaria manifestación, qu’acabó énte la Xunta Xeneral d’Asturies, reclamando la continuidá la factoría y la fin de los zarros d’empreses n’Asturies.

Esta movilización tuvo sofitada pol frente d’unidá obrera creáu n’Asturies, nel que s’inclúin los y les trabayadores d’un ensame d’empreses en conflictu llaboral, como Tenneco, Benito Sistemes, Caxastur, Fundición Nodular, intoxicaos por mercuriu n’AZSA, Cocines Asturianes, Cébrano, Mataderu Central, Subcontrates Mineres, Coca-Cola, Fábrica d’Armes, Llavandería de Cabueñes, Starglass o Sedes, amás de persones d’otros sindicatos, coleutivos y movimientos sociales que sabemos qu’hai que pelear y solidarizase sinun queremos que desmantelen Asturies.