La CSI sofita la concentración escontra la represión y en solidaridá de la xente que llucha, convocada pol FUSOA (Frente Unitaríu de Solidaridá Obrera d’Asturies)

La Corriente Sindical d’Izquierda quier asoleyar el so sofitu a la concentración convocada pol FUSOA, en protesta pola esguilada de la represión que ta produciéndose n’Asturies y en tol Estáu español, y en solidaridá coles persones represaliaes por causa de la so participación nes lluches populares que tán dándose.

Per tol Estáu español, les protestes xeneralícense, al empar que la represión xorrez hasta niveles insoportables: cargues policiales brutales, palices, detenciones arbitraries, cárcel, etc. Una represión que va acentuase inda más si, a la fin, dase lluz verde a la llamada Llei Mordaza.

Mentantu, el Gobiernu remana otra vara de midir bien estremada pa quien, dende’l poder políticu y económicu, amasen fortunes alquiríes de forma illegal y arruinen les nueses vides ensin que la Xusticia llegue siquier a cincalos.

Dende la CSI, afalagámosvos a participar nesta concentración y a siguir sofitando toles lluches obreres y populares qu’anguaño tán dándose n’Asturies.

Enllace al eventu nel facebook del FUSOA:
https://www.facebook.com/events/188443148033084/?ref=22

¡Asturies salvase lluchando!