Presentación de Paraos/es y precaries/os de Siero y Noreña.

PARA@S Y PRECARI@S D’ASTURIES.

El próximu miercoles 29 xineru a les 19:00h. preséntase nel Salón d’Actos del Llar del Pensionista d’El Berrón, el Coleutivu de Para@s y Precari@s de Siero y Noreña.

¿Quiénes somos?
Somos trabayadores que vivimos nos conceyos de Siero y Noreña y qu’anguañu tamos nel paru o con trabayos precarios y/o temporales.

¿Por qué nos organizamos?
El paru y la precariedá nun son un problema personal y nun responden a un fracasu individual, póro decidimos organizanos nun coleutivu p’analizar y dir a la gueta d’una rempuesta coleutiva al problema’l paru y la precariedá. A un problema coleutivu queremos da-y soluciones coleutives.

¿Qué oxetivos tenemos?
Pretendemos facer un analís críticu de la realidá’l paru y la precariedá. Facer de la solidaridá un arma de llucha a la escontra la esclusión social. Implicar a les instituciones (Casa’l Conceyu, Principáu…) na gueta d’igües al problema’l paru, buscando fórmules pa xenerar emplegu de calidá. Poner en marcha y compartir esperiencies d’autoemplegu y cooperativismu. Desixir a les alministraciones planes pa frenar la sangría de la emigración forzada de la mocedá.