Concentración de sofitu nel xuicíu pol despidu de Sergio, despedíu nel 2013 del taller de Barros de Duro-Felguera y afiliáu de la CSI

El próximu miércoles 29 xineru, a les 10:15 h. vamos sofitar a Sergio, nel xuiciu pol so despidu, en 2013, del taller de Barros de Duro-Felguera.

Sergio protagonizó l’añu pasáu, xunta Iván, responsable de la Seición Sindical de CSI nel taller de Barros, diez díes de movilizaciones en La Felguera (acampada solidaria, concentraciones, manifestaciones…), en protesta pol so despidu y reivindicando la fin de los despidos en Duro-Felguera y el caltenimientu de tolos sos talleres.

El despidu d’Iván foi declaráu improcedente pol xulgáu de lo social de Mieres y, agora, ta pendiente d’un recursu énte’l Tribunal Superior de Xusticia d’Asturies, nel que la CSI reclama la nulidá’l despidu y la reincorporación del trabayador al so puestu trabayu.

¡Nin despidos, nin pieslles!