Los servicios xurídicos de la Corriente Sindical d’Izquierda consiguen una nueva sentencia favorable al cobru de la parte proporcional de la paga estra.

El Xulgáu de lo Contencioso Alministrativu nº 5 d’Uviéu falla a favor d’una demanda interpuesta por una docente interina afiliada de la CSI y declara como situación xurídica individualizada’l derechu a percibir la parte proporcional de la paga estraordinaria d’avientu de 2012 nel importe hasta’l 14 de xunetu de 2012.

Esiste otra sentencia de payares del mesmu xulgáu que declara “el derechu de los funcionarios interinos de los cuerpos docentes” a percibir la parte proporcional de la paga extra, esto ye, restablez el derechu de manera colectiva, pero ta recurrida pola alministración y pendiente de resolución. Precisamente pola so naturaleza individualizada, esta sentencia ye firme y l’Alministración tien qu’executala, nun cabe recursu dalgunu.

La sentencia abre otra vía pa la devolución de la reivindicada xudicialmente parte proporcional complementaria a la qu’abre la sentencia de payares.