Urxente, desconvocada la movilización del vienres 17 n’Avilés

LA CSI DESCONVOCA LA MOVILIZACIÓN DEL VIENRES 17 XINERU N’AVILÉS, POR UN POSIBLE ALCUERDU ENTE LOS Y LES TRABAYADORES DE LES PISCINES MUNICIPALES Y LA MUTUA D’ACCIDENTES.

Nes caberes hores, la mutua FREMAP púnxose en contautu colos y coles trabayadores de les piscines municipales d’Avilés, pa entamar un procesu negociación, na que la mutua avendríese a reconocer l’accidente por intoxicación de cloru asocedíu na piscina La Madalena, y procederíe al pagu les indemnizaciones correspondientes.

De resultes d’ello, la CSI desconvoca la movilización anunciada pal próximu vienres 17 xineru, nel polideportivu d’El Quirinal.

En casu de nun algamase un alcuerdu, el xuiciu cellebraríase’l próximu miércoles 22 de xineru nos xulgaos d’Avilés.