Tenneco y l’unidá obrera n’Asturies

Un grupu de representantes de el trabayadores de Cajastur axuntemos colos compañeros de Tenneco que lleven más de cuatro meses enfrentándose a los directivos de la multinacional, que pretenden cerrar la factoría de Xixón, a pesar de la so alta rentabilidá y eficiencia, pa llevase’l trabayu a Polonía.

Como n’Asturies ye bien sabíu, estos compañeros refugaron dende’l primer momentu la vienta de los sos puestos de trabayu (a pesar de que se-yos ufiertaron 50 díes per añu hasta 45 meses como indemnización), negáronse a roblar l’ERE que la dirección pretendía llevar a cabu, y basaron la so estratexa de llucha na unidá ensin fisuras, cola Asamblea de Trabayadores como órganu de decisión y col Comité d’Empresa al serviciu de lo decidío por toos/es en dicha Asamblea.

Agora, los/es trabayadores de Tenneco tán impulsando un procesu d’unidá obrera n’Asturies, que pasa pola unidá d’acción de toles/os trabayadores d’empreses en crisis o en procesu de zarru.

Asina, na manifestación de sofitu a los despidíos de Felguera Melt cellebrada ayeri, atopábense tamién trabayadores d’otres empreses, como Tenneco, Benito Sistemes de Navia, Subcontrates d’Hunosa, Esmena, Cocines Asturianes, o Fundición Nodular.

Otres asamblees y coleutivos de trabayadores, como los de Asturpharma, Ro Casares, Cébrano o los intosicaos por mercuriu de AZSA, tamién s’axuntaron colos/es trabayadores de Tenneco de mano a impulsar esti procesu d’unidá.

Pela nuesa parte, ellí vamos tar.