La CSI solidarizase col C.S.O.A. La Casika, de Móstoles

Dende Asturies, la Corriente Sindical d’Izquierda quier asoleyar el so sofitu y solidaridá pa col Centru Social Ocupáu Autoxestionáu La Casika, de Móstoles (Madrid).

Menaciáu col desallugu, dempués de 16 años disponible pa los movimientos sociales, quieren baltar esta antigua casa y esaniciar esti espaciu pa dexar un solar y construyir viviendes de luxu.

Pa la CSI, La Casika atropó un trabayu perimportante en tolos sos años d’esistencia, solidarizándose coles lluches obreru y populares y lliberando un espaciu pa la xera vecinal y de los movimientos sociales reivindicativos.

Y, agora, pretenden baltalo pa siguir especulando y siguir faciendo a los ricos más ricos y a los probes más probes.

Por tou ello, dende la CSI sofitamos la manifestación convocada en defensa de La Casika y esiximos la continuidá d’esti Centru Social y el sobreseimientu de les causes xudiciales abiertes a la escontra los collacios de La Casika.

(Semeya del comunicáu del CSOA La Casika énte a la nueva menacia desallugu).