Comunicáu del grupu de Muyeres en llucha de la CSI, escontra la represión y en solidaridá coles compañeres deteníes en Madrid al final de la manifestación contra la reforma de la llei del abortu

SI NUN SE MOS RESPETA, FADREMOS QUE SE MOS RESPETE: ABORTU LLIBRE, LLEGAL, SEGURU Y GRATUITU.

Dende’l grupu de muyeres en llucha de la CSI queremos amosar la nuesa repulsa y denunciar la inxusta detención de les persones que defendíen el derechu a un albuertu llibre, seguru y gratuitu.

A la violencia contra les muyeres exercida pol gobiernu al traviés de lleis como la que nos prohibe decidir, sumar la exercida al traviés de represión policial, demostrando una vegada más que nesti país nun se nos dexa nin defender los nuesos derechos.

Nun-yos basta con humildanos declarándonos “incapacitades” pa decidir por nós mesmes; nun basta con maltratanos obligándonos a ser madres en contra de la nuesa voluntá; nun-yos basta con torturanos imponiéndonos pasar por una xestación y un partu ensin escoyelo; nin siquier quitanoslo tou una vegada obligárennos a parir.

¡Non!, porque nos quieren con mieu, sumises y esclaves.

Unviamos el nuesu sofitu a les compañeres que salieron a la cai a defender los derechos de toes y animamos a siguir faciéndolo… porque si nun somos respetaes, vamos faer que se nos respete.

¡Combatives vamos ser!, porque nin asina nos tendrán