Solidaridá colos trabayaores gaditanos encarcelaos

Dende la Corriente Sindical d’Izquierda queremos asoleyar la nuesa solidaridá y sofitu a el trabayadores gaditanos encarcelaos por lluchar pola xusticia social, el trabayu y la dignidá de la Bahía de Cádiz, y esiximos la so inmediata puesta en llibertá.

Pa la CSI, esta midía ye desproporcionada dafechu y namás pretende tornar a estos trabayadores en tiestes de turcu, cola fin de frenar y criminalizar les movilizaciones, cuando’l verdaderu crime ye la situación crítica de la provincia de Cádiz, con un altu nivel de paru que lleva a munches families a la esclusión social, y la tamién crítica situación de los estelleros gaditanos, que pueden acabar sumiendo.

Reproducimos, de siguío, les pallabres de María José Soto, madre d’ún de los trabayadores encarcelaos:

“Toi pensando como camudar el mundu…y nun puedo, güei invádeme la murnia y l’ablayamientu…y tengo que ser fuerte porque me precisen asina, y tengo de ser el sofitu d’otres persones a les que tamién-yos invaden la murnia y la desesperación.

Siento que nos manipolien tantu¡¡¡ que nos acobarden tantu¡¡¡ que nos asusten tantu¡¡¡ y tengo que tomar aliendu pa glayar que siiiiii¡¡¡ que desesperáu tamién, indignáu tamién, decepcionáu tamién….esperando’l so futuru….esperando esos gaseros que prometíen…que-y daría lo qu’el quería….el so puestu de trabayu siguíu…esi col que podría casase y tener un fíu…esi que-y daría la dignidá de sentise útil…ESI YE’L MIO FÍU. y cola cara destapada digo que güei ta en prisión preventiva…porque ten de ser un escarmientu publico, porque ye interesante que sirva de cabeza de turcu….porque en subdelegación de gobiernu interesa callar los verdaderos motivos del zarru de la ponte y el caos na bahía.

El mio fíu ye Pablo, y ye un TRABAYADOR, UN SOLDADOR, lleva cotizaos 7 años de duru trabayu,,,d’esi que nun quier naide,,,,d’esi nel que n’ocasiones nin me trai los monos pa que los llave porque tien que tiralos de como sal de la buraca,…d’esi trabayu nel que como motivu d’aforru nun-y dan nin el mázcaru de protección……que yo tengo que llavar d’un contratu a otru….d’esi nel qu’aguanta con rebabes nos güeyos por non poder faltar…..d’esi nel que cuando nun ta trabayando,..tamién se llevanta a les 6 y ponse na puerta d’estelleros a ver si per llástima-y dan 5 díes de trabayu pa españar d’hores.

ESI YE EL MIO FÍU PABLO, tuviéronlu ensin comer nin beber demientres 24 hores, esposáu, ensin poder dir al serviciu, lleváu a escures nun furgón a toa velocidá dando tumbos ensin poder suxetase..sometíu a la prepotencia d’un xuez y un fiscal que tien ordenes espreses.

A él y los sos nueve compañeros…toos trabayadores!!!!…..Nun son delincuentes…nun son terroristes…son persones que busquen un futuru”.