Concentración de sofitu al trabayaor de Tenneco y Secretariu xeneral de la CSI, imputáu por delitu daños a les cámares de seguridá de la factoría

CSI-Tenneco

El próximu miércoles 11 d’avientu, a les 09:15 h., va ser llamáu a declarar énte’l xulgáu, Samuel Fernández, trabayador de la empresa Tenneco Automotive (Monroe) y Secretariu Xeneral de la CSI, imputáu nuna causa por delitos de daños a les cámares de seguridá de la factoría, que fueron instalaes per tola planta dende’l primer momentu en qu’entamó’l conflictu llaboral cola empresa.

Samuel Fernández ye, xunta otros miembros del Comité d’Empresa, ún de los voceros escoyíos pola Asamblea, pa representar a los y les trabayadores en toles conversaciones y negociaciones cola empresa y les instituciones.

Nesi sen, dende la CSI camentamos qu’estes acusaciones son una maniobra indecente de la empresa y llamamos a la participación na concentración de sofitu convocada pal prósimu miércoles 11 d’avientu, a les 09:15 h., nel Palaciu Xusticia de Xixón.