Llamamientu de la CSI a la manifestación republicana

¡NIN XUAN CARLOS I NIN FELIPE VI: SOMOS REPÚBLICA!.

La Corriente Sindical d’Izquierda fae un llamamientu a la clas obrera asturiana, a participar na manifestación que, sol lema “Nin Xuan Carlos I nin FelipeVI. Somos República”, va tener llugar el próximu miércoles 4 d’avientu, a les 20:00 h., na plaza L’Humedal de Xixón.

Recordai qu’a les 19 h. va tener llugar una concentración nel Parque del Gas de Xixón, en sofitu a los compañeros despidíos d’I.E. Sanvicente, subcontrata d’HC y que d’ellí va partir un pasacais fasta la Plaza l’Humedal que se va xunir a la manifestación.

Pa la CSI, a estes altures, yá nun hai sides. Desgastada pola corrupción y la iinutilidá, la Monarquía reveló’l so braeru papel d’acumuladora de fortunes millonaries y, agora, pretende perpetuase con una nueva Transición, tan patética y falsa como la primera.

Na CSI creemos que la Corona nun ye más qu’otru eslabón na cadena dominación de la clas obrera, y continuadora del anterior réxime dictatorial al traviés d’una apariencia más democrática y “campechana”, qu’enllena “de orgullo y satisfacción” a quien enchen los sos bolsos abellugándose na impunidá que-y apurre la Constitución.

Francer col Réxime Borbónicu y restituyir la soberanía popular ye, pa la CSI, l’únicu camín que nos va dexar tornar en realidá los naguares republicanos de los y les trabayadores.