La comarca d’Avilés vuélcase colos trabayaores intosicados de mercuriu n’Anza-Glencore

Una perabondosa concentración sofitó les reivindicaciones de los trabayadores intosicaos por mercuriu na empresa AZSA-GLENCORE.

Unes 50 organizaciones sindicales, polítiques y sociales, d’Asturies y de toes partes del Estáu español, sofitaron la llucha de estos trabayadores que, anguañu, siguen en fuelga fame.

Los trabayadores esixeron la reconocencia del accidente per parte d’AZASA-GLENCORE y la mutua FREMAP, l’entamu urxente de los tratamientos mélicos necesarios pa la recuperanza de la so salú y la regularización darréu de la so situación llaboral y alministrativa pa la reconocencia de los sos derechos al recargu prestaciones, indemnizaciones ya incapacidaes llaborales derivaes del accidente.

Pa terminar, los y les manifestantes empobináronse hasta la entrada la empresa AZSA-GLENCORE, con glayíos y conseñes como “intosicaos solución”, “obreru intosicáu, patrón colgáu” o “asesinos del mercuriu”.