Comunicáu de sofitu de la CSI a los trabayaores intoxicados por mercuriu n’Asturiana de Zinc

Dende la Corriente Sindical d’Izquierda queremos asoleyar el nuesu sofitu y solidaridá pa colos trabayadores intosicaos por mercuriu na empresa Asturiana de Cinc (AZSA) y que, nestos intres, atópense realizando una fuelga fame indefinía, énte les instalaciones de la empresa.

Desiximos al Serviciu de Salú Pública asturianu una intervención urxente pal tratamientu darréu de los pergraves daños producíos por esta intoxicación de mercuriu na salú de los trabayadores afectaos, dixebradamente de la depuración de responsabilidaes económiques, llaborales y penales a qu’haya llugar, darréu, a la escontra la empresa AZSA y la mutua FREMAP.

Coles mesmes, faemos un llamamientu a les organizaciones sindicales y al conxuntu la clas obrera asturiana, pa participar en toles movilizaciones convocaes por esti coleutivu trabayadores, que van entamar a faese públiques dende esta mesma selmana.