Enxamás vamos escaecete, Javier

Ayeri, domingu 10 de payares, los y les trabayadores de Tenneco realizaben una marcha ciclista hasta Cuadonga, coles mires de siguir algamando sofitos por toa Asturies, pa torgar el pieslle la empresa.

Javier yera un trabayador que nun se conformaba con tener la so vida “iguada”; Javier creía nel derechu de toles persones a una vida digna. Por eso, sofitó a los y les trabayadores de Tenneco cuando s’enteró de que 230 families podíen quedase tiraes na cai.

La so participación nesta marcha ciclista yera una forma d’espresar el so sofitu y compañerismu, pero’l so coral, ési nel que tanta solidaridá cabía, xugó-y una mala pasada.

El nuesu meyor homenaxe nun puede ser otru que siguir esta llucha, cola mesma valentía y la mesma entrega que tu nos demostrasti. Hasta siempres, Javier.

CSI-Tenneco