Presentación de la novela gráfica “La Chelita – El Salvador 1992”, de Ruma Barbero

CSI-Internacionalistes

La CSI va presentar la novela gráfica entitulada “La Chelita-El Salvador 1992”, cola intervención del so autor, Ruma Barbero.

Esta presentación va tener llugar el prósimu martes 29 d’ochobre, a les 19:00 h., nos llocales de la Sociedá Cultural Xixonesa.

El dibuxante, músicu de Felpeyu y profesor, Ruma Barbero, editó esta novela gráfica nes sos dos versiones, asturiana y castellana.

Tamién va proxectase una parte’l documental “La llucha na mochila”, qu’atestigua la vida de trés doctores, Blanca, Alba y Begoña (vasca y catalanes), que morrieron n’El Salvador.

L’actividá tien marcu actual nel procesu electoral en cursu, que tien a ún de los comandantes guerrilleros como candidatu a la presidencia d’El Salvador, “el pulgarcito d’América”.