Manifiestu del Coleutivu de xente prexubilao y pensionista de la CSI, PREPEN

DESIXIMOS AL GOBIERNU L’APLICACIÓN D’OFICIU DE LA PAGA DE REVISIÓN Y EL SO AFITAMIENTU EN 2013

Dende’l colectivu de pensionistes de la CSI, empecipiamos una campaña d’información sobre la estafa que’l gobiernu del Partíu Popular ta cometiendo con toles pensiones, quedándose cola paga de revisión del añu 2012 que se calcula col diferencial del IPC que foi del 2,9%, del cual xubieron y consolidaron la pensión un 1%, faltando la paga de revisión del 1,9% y el so afitamientu na paga del 2013.

Esto quier dicir, que sobre una pensión arrondada en 1000 € el gobiernu xubió un 1%, que fueron 10 € mensuales consolidaos nel 2013, quedándosete en 1010 €, pero los xueces resolvieron que tenemos derechu a la paga de revisión del diferencial del IPC non abonáu y al so afitamientu na paga del 2013. Na nuesa pensión de 1000 €, el diferencial non abonáu nin consolidáu ye’l 1,9% del IPC, que son 19 € mensuales, lo cual sobre los trelce pagues que se reclamen (once mensualidad más los dos pagues estraordinaries que tán consolidaes al 31 de mayu y 30 de noviembre, a la mensualidá d’avientu afectar el retrógradu Real Decretu de Rajoy qu’entró a valir el 1 d’avientu del 2012) da-y un monto total de 247 € que ye’l gruesu de la paga de revisión que se reclama y te roben.

Pero non solo ye esto, lo que te consolidaron nel 2013 fueron solo los 10 € mensuales del 1%, pero los xueces dixeron que tenemos derechu a que’l diferencial non abonáu tiense que consolidar y abonar na paga del 2013. Esto diznos, sobre la mesma pensión de 1000 € el 1,9% son 19 €, que multiplicáu poles 14 pagues que tenemos derechu añalmente son 266 € qu’añalmente perdemos hasta’l fin de les nueses vides, si nun reclamamos la paga de revisión y el so afitamientu nel 2013 antes del 30 de noviembre.

Esiximos al gobiernu del Partíu Popular, qu’obligue a les alministraciones públiques a qu’apliquen d’oficiu les sentencies xudiciales, qu’abonen a toes/vos aquellos que tienen derechu, la paga de revisión y al so afitamientu nes pagues del 2013. Qu’en un estáu que s’aprecie de derechu, non puede dase esti actu tan miserable, de qu’aquél que nun presente la reclamación va quedar ensin cobrar y va perder de la so miserable pensión, lo que tanto van precisar él y la so familia pa sobrollevar una vida lo más digna posible, nesti mundu onde les polítiques del so gobiernu como los que-y precedieron, solo sirvieron pa pagar les deldes de les empreses y bancos, dexando ensin derechos y nel paru a millones de trabayadores.

Esiximos al gobiernu una rectificación de la so política, que solo va tener validez si anúlase l’artículu 135 de la Constitución, que tanto la derecha fascista qu’ustedes representen como los de la derecha neolliberal del PSOE, metiéronnos a les escondidielles y con farses en septiembre foi dos años. Artículu qu’obliga al déficit cero y al pagu de la delda privada de la banca y empreses primero qu’a dereches a una enseñanza, sanidá o dependencia pública y calidable al serviciu de les clases trabayadores. Delda privada convertida en déficit públicu por aciu la estafa de compra de bonos de delda y de subvenciones a xeitu perdíu a la banca privada, col oxetivu fundamental del pagu de la delda al capital européu, especialmente l’imperialismu fascista alemán.

Los pensionistes de la CSI, reclamamos que nun se pague la delda privada de la banca, nin coles nueses pensiones, nin colos salarios de les clases trabayadores nin colos impuestos públicos. Por ello faemos un llamamientu a la movilización contra los retayos y a presentar antes del 30 de noviembre la reclamación ante la SS.SS.

POLA NUESA PENSIÓN Y DERECHOS NON AL PAGU DE LA DELDA

Asturies 16 d’ochobre de 2013

Coleutivu de prexubilaos y pensionistes

colectivoprepen_csi@yahoo.es