Llunes, cuartu día d’acamapada en apoyu de los despedidos y el cierre de talleres en Duro Felguera

Esti llunes:
– 12 h. repartu de panfletos nel mercáu de Sama.
– 19:30 h. Concentración nel Parque Vieyu de la Felguera
– 20 h. Charra: El conflictu permanente en Duro Felguera, pol Coleutivu de despedios de Duro Felguera.

Cada despidu, cada cierre d’una empresa, cada casu de represión, cada muertu llaboral, cada recorte en educación, sanidá, servicios públicos, etc. ye un tema de toes/os. Porqu’agora son estos compañeros, antes fueron otros, na mesma empresa y n’otres, después serán más. Nun se pue mirar pa otru lláu, nun podemos siguir dividios, cada cual na so parcela. O trabayamo en comuña o vamos perder lo pocu que mos queda.

Torna del poema Martin Niemöller, 1945 (atribuyía a Bertolt Brecht):

«Cuando los nazis vinieron buscar a los comunistes,
guardé silenciu,
porque yo nun
yera comunista.
Cuando encarcelaron
a los socialdemócrates,
guardé silenciu,
porque yo nun
yera socialdemócrata.
Cuando vinieron
buscar a los sindicalistes,
nun protesté,
porque yo nun yera sindicalista.
Cuando vinieron
a polos xudíos,
nun pronuncié palabra,
porque yo nun yera xudíu.
Cuando finalmente vinieron
a por mi,
nun había naide más que pudiera protestar.»

Videu Dixebra, Nun llores (videu realizáu nel conflictu polos despedios de Duro Felgura del añu 95, demientres dalgunos taben zarraos na Catedral d’Uviéu):