Realcuentru Asturies-Euskal Herría

REALCUENTRU ASTURIES-EUSKAL HERRÍA

Llegó’l momentu del realcuentru. Dempués del “Alcuentru Asturies-Euskal Herria Topaketa” cellebráu’l pasau mes de marzu en Gasteiz, ye agora la xente vasca la que va visitar Asturies. El prósimu 21 de septiembre en L’Entregu y La Felguera va tener llugar un realcuentru que va a la gueta de dar a conocer aspeutos de la realidá vasca n’Asturies y seguir estrechando llazos ente persones y coleutivos sociales y culturales de los dos países.

L’eventu ta organizau en comuña pol Gaztetxe de Gasteiz, Ixuxú Asturies-Euskal Herria Elkartea y el Centru Social Autoxestionáu La Semiente. Precisamente, ye nesti centru social de L’Entregu nel que van desendolcase parte les actividades. Los otros escenarios d’esti “(re)Alcuentru Asturies-Euskal Herria (ber)Topaketa” sedrán l’acampada del Parque de La Felguera (Llangréu) en sofitu a los sindicalistes despedíos de Duro Felguera y a la escontra’l desmantelamientu de les Cuenques, y el Chigre Ochobre de L’Entregu onde van finar los actos.

13.00 h. Bienvenía nel Centru Social La Semiente al bus allegáu de Gasteiz y pasucais turísticu-reivindicativu-folixeru per L’Entregu
15.00 h. Espicha
17.30 h. Mercadin de coleutivos vascos
18.00 h. Mesa redonda: El movimientu popular d’Euskal Herria en Gasteiz
21.00 h. Conciertu. Con K-Nalón, hiphop combativu n’asturiano, grupu sorpresa + micru abiertu!
00:00 h. Folixa/Jaia con pinchéu de música internacionalista nel Chigre Ochobre.

CENTRU SOCIAL LA SEMIENTE