Comunicáu en sofitu del profesoráu interín afectáu pol sistema de peticiones

C.S.I. Enseñanza al traviés d’esti comunicáu SOFITA al profeoráu interín afectáu pol SISTEMA DE PETICIONES.

La conseyería d’educación empeñóse en caltener un sistema de pidimientos con innumberables fallos de usabilidá a pesar de les quexes y problemes que dende va años vienen dándose.

Amás, aportuna en culpar al profesoráu afectáu de realizar mal la xestión pero nun ufierta nenguna prueba que demuestre tal afirmación. Mientres les persones afectaes presentaron xustificantes impresos de los sos pidimientos que demuestren que fueron realizaos de forma afayadiza nel plazu establecíu, ellos niéguense a amosa-yos los rexistros informáticos onde se reflexen los supuestos fallos.

Llama l’atención tamién el cambéu repentín de les instrucciones del procesu que, nel casu hipotéticu de que realmente fuera un fallu de los usuarios al escoyer la opción ensin encamentar, siguiría siendo un error de l’alministración. Antes de ser modificáu, estos nun remataríen el procesu al nun llevar los papeles al rexistru dando prioridá al pidimientu telemáticu.

Nel so intentu por siguir defendiendo la so postura y el bon funcionamientu del sistema informáticu, espliquen que estadísticamente (pa ellos namás somos númberos) los fallos detectaos son pocu significativos. Lo que s’escaecen d’esplicar ye que nesta nueva convocatoria yá apaecieron nuevos casos de persones afectaes y tou apunta a que va haber más.

Tres más de 15 díes desque se produció l’error, la conseyería non yá sigue ensin dar una solución razonable al problema si non qu’intenten amedranar a los nuesos compañeros y compañeres utilizando frases como “dar un castigu exemplar”. Preguntamos qué castigos exemplares se fueron dando a sigo mesmos en toes y cada una de les convocatories que darréu tuvieron que modificar con “correcciones d’errores”, llegando inclusive a afectar a los plazos de les oposiciones.