Xornada internacional escontra la impunidá: Luciano vive

COLEUTIVU DE COLOMBIAN@S ABELLUGAES/OS N’ASTURIES “LUCIANO ROMERO MOLINA”.

Conmemoración del octavu cabudañu del asesinatu de Luciano Enrique Romero Molina, ocurríu en Valledepur-César, Colombia, el 11 setiembre de 2005. Luciano Romero tuvo abellugáu n’Asturies, acoyíu al Programa Asturianu de Proteición a Víctimas de la Violencia en Colombia.

A ocho años del so asesinatu, el crimen entá s’atopa impune magar que dellos de los responsables materiales tan condergaos. Aínda falten los responsables intelectuales. En Colombia, la fiscalía negóse a abrir la investigación a la escontra los executivos de Nestlé y en Suiza, la xusticia evade la investigación.

Na llucha permanente a la escontra la impunidá y a la gueta la verdá y la xusticia dafechu a la escontra los responsables del xenocidiu a la escontra’l movimientu sindical colombianu, convidámosvos a participar na Xornada Internacional a la escontra la Impunidá, LUCIANO VIVE.

Pétanos reivindicar los aportes de Luciano a la llucha de los pueblos, de les presones orimíes, de les preses y presos políticos, de los obreros y obreres del mundu.

Movilizaciones, paros, plantones, foros, conversatorios, presentaciones públiques, ya eso, toa aición de mases que mos permita deci-y al mundu que, magar el terrorismu del Estáu colombianu y de la política violenta de les multinacionales, siguimos aportándolu a la construcción d’una Colombia digna y soberana.

N’estremaos llugares del planeta, miles de persones han llevantao les sos voces desixiendo xusticia pol crimen de Luciano. Convidamosvos a que mos acompañeis nesta xornada.