Llamamientu de la CSI a participar na manifestación del día de la nación asturiana

La Corriente Sindical d’Izquierda fae un llamamientu a la clase obrera asturiana, a participar na manifestación del prósimu 8 setiembre, convocada baxu’l lema: “Asturies decide. Pola soberanía y el cambiu social”.

La CSI fae de so les reivindaciones de soberanía y de poder de decisión pal Pueblu Asturianu, que s’asoleyen nesta movilización. Pal nuesu sindicatu, Asturies tien de ser l’únicu centru de decisión de tolos temes que nos cinquen: no político, no económico, no social, no cultural…. Y, nesi escenariu, la voluntá y la soberanía del Pueblu Asturianu, tienen de tornase nuna obligación pa cualisquier poder políticu.

Pero la Soberanía, por sí mesma, nun ye garantía de nada y, en munches ocasiones, namás que sirve pa que la clase obrera continúe espoliada por unos esplotadores de cuño más autóctono.

Pa la CSI, la soberanía d’Asturies tien d’encuadrase na llucha de la clase obrera escontra’l capitalismu, porque si esta soberanía nun ye una ferramienta p’avanzar hacia’l socialismo, nun habremos algamao nada.