Fuelga de 4 díis na empresa Cébrano

Esti sábadu 17 d’agostu ficimos una concentración d’apoyu a los/les trabayaoress de la empresa Cébrano, a les 12 h. na Plaza del Ayuntamientu de Pola Sieru.

Les y los trabayadores de l’Asociación d’Afectaos por Mancadura Cerebral Sobrevenida CÉBRANO, asitiada en Carbayín Alto, nel conceyu Siero (Asturies), decidimos entamar una fuelga de cuatro díes (20, 21, 27 y 28 d’agostu) pol impagu siguíu de los nuesos salarios, ensin que l’actual Xunta Direutiva de la empresa nos de les esplicaciones que xustifiquen debidamente la nuesa precaria situación llaboral.

Nestos intres, CÉBRANO débenos dos nómines, que nun sabemos cuándo vamos cobrar. Los meses siguen pasando, la situación nun ameyora y la empresa sigue ensin pagar los nuesos salarios y ensin poner denguna midida que corrixa l’actual situación. Amás d’ello, en dellos casos nun s’algamen les ratios o proporciones obligatories de personal por númbero de persones usuaries y tampoco nun se contrata personal pa cubrir vacaciones y baxes, polo que carecemos sobrecarga trabayu y vémonos na obligación de realizar funciones que, por conveniu, nun nos correspuenden. D’esta triba, les condiciones llaborales y la calidá’l servicio vense fuertemente degradaes.

La empresa CEBRANO vive gracies a les subvenciones públiques y al dineru que paguen les families de los usuarios y usuaries del Centru. Pero CÉBRANO niégase a informar de la situación económica de la empresa a los representantes sindicales de la plantía y a les families afectaes. La única solución que se-y escurre ye allanciar amenaces d’ERE, baxaes de sueldu coleutives (que yá de por sí son bien baxos) o pieslle del centru trabayu, col consiguiente perxuiciu pa les persones dependientes del Centru y de les sos families.

La empresa CÉBRANO tien de poner fin a esta situación, pagando los salarios que debe, esplicando-yos a les y los trabayadores y a les families la situación económica real de la empresa y ellaborando un plan de viabilidá que dea continuidá al Centru y al curiáu de les persones que dependen d’él.

La empresa CÉBRANO debe poner fin a esta situación, pagando los salarios que debe, explicando a las trabajadoras y a las familias la situación económica real de la empresa y elaborando un plan de viabilidad que de continuidad al Centro y al cuidado de las personas que dependen de él.