Nun son accidentes, son crímenes

La Corriente Sindical d’Izquierda llamenta la muerte d’un trabayador nel accidente asocedíu’l pasáu martes 16 de xunetu nel astilleru Armón-Xixón.

Nun ye la primer vegada que se produz un accidente llaboral d’importancia nesti astilleru. Enantes, la CSI yá interpunxera trés denuncies ante l’autoridá llaboral polos PERGRAVES INCUMPLIMIENTOS EN MATERIA DE SEGURIDÁ LLABORAL, pol riesgu qu’ello supon pa los trabayadores.

La CSI esixe la inmediata intervención tantu de les autoridaes llaborales, como de les Instituciones Polítiques, que consideren a Armón como exemplu empresarial, mientres que la totalidá la plantía trabaya en condiciones de total esclavitú.

De la mesma, esiximos a la empresa Armón, qu’antepón de forma irresponsable, l’aforru de costos productivos y la brutal medría de la producción a la seguridá de los trabayadores, que ponga medios enforma y cumpla la normativa en materia de Prevención de Riesgos Llaborales, pa evitar qu’accidentes mortales, como’l del pasáu martes, y otros tamién graves que se tán produciendo con bastante frecuencia nesta empresa, nun se vuelvan repitir.

CSI-ARMÓN