La CSI desixe la prórroga de les ayudes d’emergencia social

Na Corriente Sindical d’Izquierda, conocimos la situación de vecinos/es de Xixón a quien se-yos refugó la prórroga de les Aídes d’Emerxencia Social per parte la Fundación Municipal de Servicios Sociales. Estos vecinos tán esperando’l resolvimientu’l Salariu Social Básicu (pol que lleven esperando 20 meses) y nun pueden encarar los pagos básicos d’agua, lluz, gas y arriendu de la so vivienda social.

Dende la CSI, queremos denunciar la situación d’emerxencia d’estos vecinos/es y esixir a les alministraciones responsables una rápida solución. Nesta situación atopen munches persones de Xixón qu’esperen más de 18 meses pol salariu social y que tienen qu’anovar la so Ayuda d’Emerxencia Social. Ye una situación insostenible.

La CSI desixe la prórroga de les Aídes d’Emerxencia Social de manera indefinida demientres s’igua’l colapsu del drechu al Salariu Social Básicu, pa que les presones puedan tener, siquier, unes mínimes condiciones de vida.

Nun ye una cuestión de caridá nin de llimosna , ye una cuestión de drechos y xusticia social, porque vivir dignamente nun ye un luxu, ye un drechu.