Tenneco Automotiv Ibérica S.A. (antigua Monroe), condergada a contratar indefinidamente a un trabayador subcontratráu, por cesión illegal de trabayaores

La multinacional Tenneco Automotiv foi condergada, por cesión illegal de trabayadores, a contratar de forma indefinida a un trabayador que fuera despidíu pola empresa subcontratada

Tenneco Automotiv subcontratara con otra empresa, el porte de pieces d’automóvil. Salvu nel trayeUtu de los portes, el trabayador d’esta empresa subcontratada realizaba’l so trabayu nes instalaciones de Tenneco, coles mesmes funciones y horariu que’l restu trabayadores de la multinacional.

El 25 d’abril de 2012, el trabayador presentó la papeleta de conciliación por cesión illegal de trabayadores, que, realizada ensin avenencia, finó en demanda énte’l Xulgáu de lo Social.

En mayu de 2012, Tenneco Automotiv decidió prescindir de los servicios de la empresa subcontratada, polo qu’esta empresa despidió al trabayador esi mesmu mes de mayu, despidu que foi demandáu pol trabayador, que pidió la nulidá’l so despidu.

En marzu de 2013, el Xulgáu de lo Social dictó sentencia declarando la nulidá del despidu’l trabayador, con abonu de los salarios de tramitación dende mayu de 2012, demostrada la cesión illegal de trabayadores y reconociendo el so derechu a ser declaráu trabayador indefiníu de cualesquier de los dos empreses, a la so elección.

Tenneco Automotiv recurrió esta sentencia, pero’l Tribunal Cimeru de Xusticia de Asturies tornó’l so recursu.

Pa la CSI, esta sentencia tien una gran importancia, sobremanera polo qu’apurre a la clarificación de les condiciones de subcontratación y cesión illegal de trabayadores.

CSI-TENNECO