Concentraciones escontra les traiciones de CCOO y UGT

Recibimientu a Ignacio Fenández Toxo (CCOO) el llunes 8 de Xunetu a les 17:30 h. énte la Carpa d’Alcuentru de la Semana Negra, Xixón.

Recibimientu a Cándido Méndez (UGT) el xueves 11 de Xunetu a les 19:30 h. énte la Carpa d’Alcuentru de la Semana Negra, Xixón.

Convoquen: Trabayadores afectad@s poles traiciones de CCOO y UGT.

Nel marcu la Selmana Negra, los secretarios xenerales de CCOO y UXT, Ignacio Fernández Toxo y Cándidu Méndez, van participar en dellos actos los díes 8 y 11 de Xunetu, respeutivamente.

Estos eventos representen una ocasión que nun podemos desperdiciar pa sopelexar la nuesa opinión (más bien contraria) a la política de pactos a espalde de los y les trabayadores, firma d’EREs con miles de despidos, complicidá en toa clase d’atropellos patronales y financiamientu corruptu, que desenvuelven CCOO y UXT. Entá ye más cuando la Selmana Negra cellébrase nos tarrenos del antiguu estelleru Naval Xixón, símbolu de resistencia obrera a los planes de desindustialización y especulación urbanística del PSOE que cuntaron col sofitu dafechu de talos sindicatos.

Somos munchos los y les trabajadores d’estremaes empreses y seutores (Centru d’Empléu Apta, Suzuky, TPA, Fábrica d’Armes, Caxastur y tantos otros) que fuimos víctimes d’un sindicalismu burocráticu que, una y otra vegada, traiciónanos y viéndenos a la patronal. Por nun falar de los mesmos trabayadores d’estes estructures sindicales y les sos fundaciones, que fueron despidíos cola aplicación puro y duro de la nefasta reforma llaboral del gobiernu’l PP.

Nun podemos consentir que quien son cómplices de los despidos y los retayos vengan agora a dase un bañu de supuestu progresismu ensin que naide-yos recuerde lo que tán faciendo y ensin que naide-yos pida cuentes de la so llarga carrera de traiciones a los y les trabayadores.