24X Día Internacional escontra la contaminación electromágnetica. Índices históricos qu’afecten a la salú de la población

Nel Estáu español cada vez hai menos motivos pa celLebrar el Día Internacional EScontra la Contaminación Electromagnética, que se conmemora’l 24 de xunu. Ye’l diagnósticu de la Plataforma Estatal contra la Contaminación Electromagnética (PECCEM), integrada por asociaciones de persones afectaes pelos campos electromagnéticos, asociaciones de persones electrohipersensibles (EHS), asociaciones vecinales, organizaciones ecoloxistes.
La plataforma denuncia que, llueñe de poner en práctica los encamientos del Conseyu d’Europa, de l’Axencia Internacional d’Investigación del Cáncer de la Organización Mundial de la Salú, de l’Axencia Europea de Mediu Ambiente, del Parlamentu Européu, etc. dirixíes a amenorgar les llendes máximes almitíos pa garantizar la salú de les persones, cuantimás de los neños y adolescentes), nel Estáu español les autoridaes siguen promoviendo y subvencionando polítiques de cobertoria total en beneficiu de la industria de telecomunicaciones qu’alcen exponencialmente los riesgos a los que ta espuesta la población. Ye’l casu del sistema 4G y la nueva Llei Xeneral de Telecomunicaciones anguaño en trámite, que’l so oxetivu principal ye favorecer l’esplegue tecnolóxicu.
Ensin escaecenos de los tendíos eléctricos d’alta tensión colos sos problemes yá conocíos según la implantación de los nuevos contadores intelixentes que van añedir muncha más contaminación a la yá esistente ensin que los sos riesgos pa la salú fueren primeramente evaluaos.
Los socesivos gobiernos españoles fixeron casu omiso de les reivindicaciones de la PECCEM, dirixíes a amenorgar notablemente la llende máxima de radiaciones electromagnétiques, que nel Estáu español ye 4.500 vegaes cimera a la encamentada pol Conseyu Européu pa garantizar la salú de les persones (450 microvatios/cm² frente al valor recomendable afitáu de 0,1 microvatios/cm²).
De resultes d’esta irresponsable política plegada a los intereses económicos de les grandes corporaciones de les telecomunicaciones, Nel Estáu español xorrez de forma notable’l númberu de persones que carecen electrohipersensibilidad, una dolencia de la qu’apenes se fala, por culpa de que, a diferencia de países como Suecia, nun ta reconocida como enfermedá y los sos síntomes (cansanciu, velea, cefalees, irritabilidá, desorientación…) reciben un tratamientu médicu incorrectu que, en non poques ocasiones, agrava’l so carecimientu.
Ye’l casu d’Ángela Xaén, que se quitar la vida en Pintu’l pasáu mes de payares en camudándose 9 vegaes por non atopar un llugar llimpiu” d’ondes electromagnétiques y recibir un tratamientu inadecuáu.
El fechu de que nun fuera reconocida como enfermedá, torga’l cálculu del númberu de persones que la carecen, pero en Suiza, un país con un grau de desenvolvimientu asemeyáu al del Estáu español, rexistró en 2004, una frecuencia del 5%.
Por tou ello, PECCEM reclama al Gobiernu qu’aplique’l resolvimientu 1815 del Conseyu d’Europa, qu’encamienta a los estaos miembru de la UE a “adoptar toles midíes razonables p’amenorgar la esposición a los campos electromagnéticos y, cuantimás, a los neños y mozos que al paez cuerren mayor riesgu de carecer tumores de la cabeza”.
Con esi oxetivu, PECCEM y otres organizaciones de Bélxica, Suecia, Francia, Italia y Portugal van promover una Iniciativa Ciudadana Europea (ICE) por que se obligue a los Estaos de la UE a aplicar el Resolvimientu 1815 del Conseyu Européu.
El sábadu 29 de xunu representantes d’eses organizaciones van presentar en rueda de prensa’l conteníu de la ICE.

Plataforma Asturiana Escuela sin WI-FI.