Apoyu a la manifestación del xueves 30 en Mieres

Ayer tuvo llugar na Casa de Cultura de la Felguera una charra-preparación de la manifestación que tendrá llugar el prósimu xueves 30 de mayu en Mieres.
La marcha-manifetación ye la continuación de la campaña Asturies en pie, cola que la CSI, CGT, CNT y SUATEA xunto con coleutivos asturianos, vienen saliendo a la cai escontra’l paru, los retayos, la corrupción, la represión, la privatización de la sanidá, de la educación, la falta de tou tipu de drechos,…

Na charra vióse la necesidá, de xuntar les lluches. Que les organizaciones y persones que tengan un conflictu llaboral, ten nel paru, desahuciades, tengan amenazaos los sos drechos,…se xunten pa coordinase, sofitase y pelear. Porque sabemos qu’uníos tenemos más fuerza. Y faemos falta tola fuercía pa nun dexar qu’acaben con tou.

Por eso, el día 30 esperamosvos a toes/os, xente de les Cuenques y de toa Asturies, en Mieres a les 19.30 h. salida de la marcha-manifestación del Monumentu al Mineru, Plaza de la Paz.

Ye hora de ponenos en pie, de remangarnos y ganar na cai lo que nos roben nos despachos.

¡ASTURIES EN PIE!

Convocan: CSI, CNT, CGT, SUATEA, Coleutivu de Parad@s-precari@s d’Asturies, FUSOA, Centru Social Sestafeia, Asociación Picu Rabicu, Asociación escontra la esclusión Alambique, Asociación L’arcu la vieya, Centru Social La Semiente y Plataforma de Afectad@s pola hipoteca.

Sofiten: Despedíos subcontrates d’HUNOSA.