Charra-alderique El desmantelamientu de les Cuenques y d’Asturies

Porque sabemos que xuntos/es somos más fuertes.

Porque como sigamos dividiendo les peles van acabar con tou.

Por eso esta charra quier sirvir pa preparar la manifestación del día 30 en Mieres. Col llema Asturies en pie queremos xuntamos toes/os pa pelear coldu con coldu: minería, paraes, educación, sanidá, muyeres, pensionistes, precarios,….Toes y toos.

Porque tenemos razones:

Paru, probeza, desahucios, retayos en sanidá, educación y servicios sociales, despidos, EREs, falta de drechos,… Les presones nun importamos y prefieren que nos suicidemos a danos los nuesos drechos. Mientres, el dineru que precisamos pa sobrevivir, súmese peles alcantarielles de la corrupción del PP-PSOE.

Y si protestamos, recibimos multes, palos, detenciones y cárcel. La represión ye’l recursu los poderosos.

Tán fundiendo Asturies y desguazando la nuesa tierra. Nun podemos dexar que’l futuru de les asturianes y asturianos sía la emigración, la fame y la miseria.
Esti sistema capitalista que nos imponen, ta amenorgando a escombros el mundu nel que vivimos. Y esta realidá nun la vamos camudar mirando pa otru llau nin esperando a que camude por sigo sola.

Por tou eso y seguru que por muncho más:

Ye hora de ponenos en pie, de remangarnos y ganar na cai lo que nos roben nos despachos.

ASTURIES EN PIE