Manifestación escontra los fraudes bancarios

Manifestación escontra los fraudes bancarios (delda subordinada, preferentes, clauses suelo…) y los efeutos de la privatización de les caxes (desahucios, despidos, zarros de sucursales, eliminación de la obra social y cultural…). RESCATEMOS A LES PERSONES, NON A LOS BANCOS.

Caxastur, al igual qu’otres caxes y bancos, comercializó “productos tóxicos”, en toles sucursales, como si fueren depósitos a plazu fixu, engañando asina a miles de persones que confiaben na so caxa “de tola vida”. Agora, más de 10.000 persones nun podemos recuperar el dineru que guardábamos porque tarrecíamos perder los nuesos empleos, ver recortaes nueses pensiones o apeligrar el futuru de los nuesos mozos. Nun lo llamen corralito, pero ser:

1) Demandamos la devolución de los nuesos aforros y refugamos la so conversión forzosa n’acciones. En rescatando a los grandes especuladores, Manuel Menéndez va a recapitalizar Liberbank col dineru de los pequeños aforradores. SOMOS AFORRADORES NON ESPECULADORES.

2) Oponémonos a los despidos, al zarru de sucursales y al abandonu de los servicios nes zones menos poblaes de Asturies. YES Y DESPIDOS PA LOS DIRECTIVOS.

3) Esiximos la paralización de los desahucios. Cajastur tienen un patrimoniu que tien de tar a disposición de les persones. STOP DESAHUCIOS.

4) Solicitamos la RECUPERACIÓN DE LA OBRA SOCIAL Y CULTURAL. Cajastur tien de tar al serviciu de les persones. Queremos obres de teatru, actividaes infantiles, esposiciones y ciclos de cine… non repartida de dividendos y burbuyes inmobiliaries

5) Consideramos imprescindible realizar una auditoría de calter social -y non yá contable- pa establecer responsabilidaes ente los integrantes del Conseyu d’Alministración. NUN ROBAMOS, NUN DEBEMOS, NUN PAGAMOS.

Amás d’entamar acciones llegales, ye necesariu caltener la presión social pa denunciar la salida a bolsa de Liberbank, financiada col secuestru de los nuesos aforros, la lliquidación del patrimoniu de les caxes y los retayos a el trabayadores.

Sábadu 11 DE MAYO MANIFESTACIÓN. 12 H. Estación de Renfe d’UVIÉU.

Animámosvos a participar na movilización global del 12M, que se va celebrar en Xixón a les 12:30 h con salida de la Plaza de la Güelga, convocada pola confluencia de marees ciudadanes. CONTRA LA DELDA ILEXÍTIMA Y LES POLÍTIQUES D’AUSTERIDÁ.