Concentración pol accesu a un Abortu llibre, seguru y gratuitu

Porque nosotres parimos y quier decidir Gallardón.

Paez ser qu’en plenu sieglu XXI y col gustu de muncha de la clase política de llenase la boca falando d’igualdá, la maternidá sigue siendo una obligación pa les muyeres. En plenu sieglu XXI quieren tornar a la Edá Media. El nuesu drechu a decidir siempre negáu, tuteláu, en base a presiones morales, ¿de quién?
El debate sigue tando nel carauter del aborto configuráu tanto enantes como agora como un delitu. Un delitu escontra la vida. Ensin embargo son les sos lleis les qu’atenten escontra la vida. La vida de les muyeres.
Los drechos sexuales y reproductivos que deberien de ser drechos pa toes, pasaron a ser drechos privatizaos escluyendo asina, como siempre qu’un drechu se privatiza, a munches trabayaores. Anguañu col cobru anticipáu o cola restricción de supuestos entovía se pon más díficil exercer esos drechos. ¿Cuántes muyeres puen morrer si siguen p’allantre cola llei? ¿Cuántes pa que salgamos a la cai?

Queremos el aborto llibre, seguru y gratuitu, que garantice la salú de les muyeres.
Nun queremos, ¡NIN PLAZOS, NIN SUPUESTOS!
Queremos decidir sobre los nuesos cuerpos y sobre’l nuesu drechu a ser o no madres.
Queremos tolos drechos pa toes.

Porque somos muyeres, y la nuesa ye la clase obrera.
Porque los drechos se consiguen y se defienden lluchando.
Porque munches enantes de nosotres llucharon pa que los drechos fueren pa toes, y tenemos, debemos, garrar el testigu.
Porque ye la nuesa vida la que ta en xuegu.

¡A la cai!

Recuperemos na cai, lo que mos roben nos despachos.

El sábadu 11 de mayu a les 12 h. na Plaza la Escandalera d’Uviéu.

Organicen Colectivos Feministes d’Asturies pol drechu a decidir.