Manifestación ¡To@s col@s y parad@s!

Yá somos 114.000 para@s n’Asturies. Y siguimos xorreciendo. Gracies a les reformes llaborales, que fueron endureciendo hasta práuticamente desaniciar les prestaciones por desempléu, somos much@s y empobrecid@s.

Unes reformes que fueron precarizando les condiciones llaborales con contratos basura, EREs, etc. y, sobretou, gracies a la nuesa pasividá.

La debacle entamó a la fin de los 80, cuando nos quitaren el drechu al paru indefiníu y aceptámoslo como si fuere un mal menor.

Güei, 30 años dempués, convivimos con para@s que nun tienen drechu a subsidiu por cotizar menos de 6 años; este ye’l casu de miles de muyeres dedicaes a la unidá familiar, emplegaes de llar, de la llimpieza o del curiáu de ancian@s y neñ@s…, n’abondos casos, madres con fí@s al so cargu que tienen qu’esperar hasta 19 meses pa cobrar el salariu social.

Vemos como la mocedá tien d’emigrar p’algamar un contratu basura nel estranxeru, que-yos dexe sobrevivir.

Miles de asturian@s malviven con 426 euros al mes, ensin drechu al arriendu la vivienda nin a nenguna otra ayuda: 426 euros pa pagar la vivienda, la comida, les melecines, l’atención psicosocial, el material escolar de l@s fí@s, etc.

Y too ello, con representantes políticos glayando nel Parllamentu “que se xinguen” o robando dineru del paru ya invirtiéndolo nel mercáu prietu, comu nel casu de los EREs andaluces, etc, etc.

Tenemos de salir a la cai y esixir a los políticos que faigan un esfuerzu porque como sigamos calla@s y dispers@s, xintar de la basoria va ser un luxu que nun nos podamos permitir, porque nun nos van dexar nin les migayes.

Nun lo duldar. Allegaivos a esta manifestación y vamos poder dar el primer pasu junt@s. Un sol@ para@ da-yos la risa, pero miles de parad@s organizad@s inspirará-yos respetu.

Ensin mieu. Junt@s fadrémonos respetar.