Carta entregada por CSI-Minería a los grupos municipales del Conceyu de Xixón (Foro Asturies- PSOE- PP- IX)

La Sección Sindical de la Minería de la Corriente Sindical d’Izquierda (C.S.I.), diriximonos a los cuatro Grupos Municipales del Conceyu Xixón, (Foro Asturies, PSOE, PP, IX) col fin de fae-yos llegar el nuesu total desalcuerdu col comportamientu, actitú, inmoralidá y falta de compromisu políticu, qu’esta corporación municipal, ta calteniendo nel conflictu de la minería publica, privada, subcontrates, xubilaos y prexubilaos, asina comu nel restu sectores industriales polo xeneral, que tán sumiendose o tán apunto de faelo, cola perda de miles de puestos de trabayu, qu’amonten de forma alarmante y esmolecedora el númberu paraos, tantu en Xixón como nel restu d’Asturies.

Tres la perda de sectores importantes, como SUZUKI, Testil, Tabacalera, Sector Naval, Mina La Camocha y otros munchos, Asturies nun puede dexase agora la desapaición del Sector Mineru. La minería tien de ser considerada como sector estratéxicu y vital pa los intereses económicos y d’empléu habida cunta que ye unu de los pocos sectores, qu’anque bien amenorgáu yá, entá queden de pies en Asturies.

Tres duros años de Reconvención Minera, empecipiada pol Gobiernu del PSOE, el Gobiernu del PP, castiga nuevamente a esti sector, con zarros de pozos, perdida d’empléu, tantu nel Sector Público y Privao, como les Subcontrates y, el duru retayu económicu al Colectivu de Xubilaos y Prexubilaos, lo cual puede suponer el fundimientu tamién de les Comarques Mineres, porque la mayor parte d’estes pensiones son el sustentu económicu de cientos de families, que sufren les consecuencies del paru y sobreviven de les pensiones familiares.

Pa esta Sección Sindical, ye inadmitible que, tres l’informe de la Comisión Mundial de la Enerxía, considerando que’l carbón va ser el primer mediu Enerxéticu Mundial nel añu 2015 y demientres que n’otros países de la X.E. ta recuperandose’l Sector del Carbón, esta Corporación Municipal, guarde silenciu y dexe, ensin llantar cara al Gobiernu’l PP, la lliquidación total de la minería y la so redolada, nel cual incluyimos al Colectivu de Xubilaos y Prexubilaos.

Coles mesmes queremos sopelexar el nuesu total refugu de les recién declaraciones, insultantes y despreciatives del Conceyal de Cultura, Carlos Rubiera, contra’l Sector Mineru, considerando que’l futuru de Asturies pasa única y puramente pola producción de la sidra que, como mineros y asturianos consumimos y defendemos y que, amás, sentímonos arguyosos de que la sidra sía una de les principales señes d’identidá, na nuesa cultura gastronómica, pero de nenguna manera vamos tolerar el despreciu d’esti conceyal a los mineros y a les comarques mineres, a los cualos, coles sos declaraciones, ta condergando a la so desapaición, ensin enterase qu’ensin industria y empléu, el futuru de la Sidra tamién ta en peligru de desapaición. Carlos Rubiera, coles sos llamentables declaraciones, amuesa una insolidaridá impropia d’un representante políticu, polo cual, si-y queda un mínimu de dignidá, cosa que duldamos, tendría de dimitir.

Por tou ello esiximos a tola corporación municipal del Conceyu de Xixón, que dexe a un llau les declaraciones testimonial y demagóxicu y se manguen al frente en defensa de tolos sectores industriales, del empléu, y de la minería y de les contornes mineres.

Dende’l sindicatu CSI proponemos:

1º- Allugamientu per parte del Conceyu de Xixón, en defensa de la industria minero y la so redolada, basándose nel informe de la Comisión Mundial de la Enerxía.

2º- Estatalización del carbón como materia primo autóctona.

3º- Non a los despidos y zarros de pozos, na Minería Público y Privao. Nin tampoco nes Subcontrates.

4º- Quema de carbón autóctono nes eléctriques.

5º- Depuración de la malversación de los Fondos Mineros, utilizando’l dineru pa la diversificación real de los puestos de trabayu.

Ustedes, como representantes políticos del conceyu de Xixón, faigan de so les nueses reivindicaciones en defensa d’Asturies y, de nun rectificar, presente ustedes la so dimisión.