Actu solidariu coles víctimes de crímenes d’Estado en Colombia

Dende va seis años el Movimientu de víctimes de crímenes d’estáu, MOVICE, convoca por que’l 6 de marzu sía un día de movilización pol derechu a la dignidá, la verdá, la xusticia y l’arreglu pa víctimes y familiares afectaos pola práctica del terrorismu d’Estáu en Colombia.

La práutica’l terror impune resulta bien útil y rentable pa los latifundistes criollos y pa les empreses multinacionales, directos beneficiarios de les masives y sistemátiques violaciones de

los derechos humanos cometíes a diariu por miembros de la fuerza público, n’alianza estrecha colos grupos narco-paramilitares.

Metanes los alderiques ente’l gobiernu y les FARC-EP arreciaron les persecuciones, amenaces de muerte, asesinatos selectivos, desplazamientu y desapaición forzada, la reclusión en condiciones inhumanes de 8 mil persones procesaes por delitos políticos.

Esta persecución –bien conocida pol gobiernu español y pola ONU- afecta de manera notable a sindicalistes, defensores de derechos humanos, líderes llabradores, indíxenes y de les comunidaes negres, defensores del mediu ambiente y a opositores del neolliberalismu y de la guerra.

Entamen: Colectivu de Colombianos-es Refuxaos n’Asturies “Luciano Romero” /COSAL / Soldepaz.Pachakuti /Pueblu y Dignidá /Sestaferia/ CSI/ Gaspar García Laviana /Coordinadora Asturiana d’ONGd, SUATEA.