CSI desixe la lliberación de tolos presos políticos saharauis

El sindicatu Corriente Sindical d’iZquierda (Asturies) quier asoleyar la so más fonda refuga de les brutales ya illegales condergues impuestes a los 24 ciudadanos del grupu de Gdeim Izik.y desixe la lliberación darréu de tolos presos políticos saharauis.

Ensin denguna triba de garantíes xudiciales y na más absoluta illegalidá, pa la CSI, esti procesu nun foi otra cosa qu’una farsa más del réxime marroquín, na so campaña d’esterminiu del Pueblu Saharaui.

Dende la CSI sopelexamos el nuesu sofitu dafechu al Pueblu Saharaui en llucha pol so drechu al autodetermín y desiximos a les autoridaes ya instituciones de gobiernu asturianes y del Estáu español, una intervención diplomática internacional inmediata pa la lliberación de tolos presos políticos saharauis, la fin de la ocupación marroquina del territoriu saharaui y l’establecimientu de la República Árabe Saharaui Democrática.