Miles de persones escontra los desahucios

Por enforma que los medios de comunicación empeñense en dicir, pa quitar importancia a les aiciones y manifestaciones, esti sábadu en Xixón nun fuimos dellos cientos de persones los que nos manifestamos esixiendo’l derechu a la vivienda. Fuimos miles los que percorrimos les cais esixendo la paralización de los desahucios, que se faiga efectiva la dación en pagu de manera retroactiva y que s’apliquen los arriendos sociales.
Mientres el percorríu de la manifestación que salio del la Plaza del Humedal dempués de xuntase les dos marches que veníen de la Calzada y del Llanu, fora parando, como nun podía ser d’otra manera, ante los bancos, los responsables de los abusos cometíos en política de vivienda y ante la see d’UPyD y del PP, al berru de «asesinos», y pidiendo la dimisión del responsable d’ésti, Rajoy al mandu de la complicidá coles entidaes bancaries, p’arruinar la vida a miles de persones y a delles lleva-yos hasta la muerte.
Terminó la manifestación na Plaza del Marques, y en lleendo’l comunicáu nel que se exigio a tolos partíos políticos que votaren a favor de la inicativa lexislativa popular contra los desahucios, consiguida pola unión y el trabayu na cai, guardóse un minutu de silenciu n’alcordanza de toles persones que se suicidaron polos desahucios. N’Asturies, acaldía se desahucia a doce families, como apuntó Miguel Ángel García, de la Plataforma d’Afectaos pola Hipoteca (PAH).