Concentración delantre de la sede del PP contra la represión

Tal como la Plataforma contra la Represión y poles Llibertaes anunciara cellebróse la concentración ante la sede del PP en Xixón en señal de protesta pola detención, mientres casi dos meses, del nuevu Alfon pal que la fiscalía y Gobiernu entá caltienen graves cargos.
La concentración realizar ensin que se rexistrara incidente dalgunu. La policía nacional y la policía municipal esplegaron más de media docena de vehículos colos qu’arrodiaron la cai na que s’atopa la see del PP que permaneció cerrada o siquier coles lluces apagaes. Los manifestantes ocuparon el centru de la calzada onde unu de los imputaos lleó’l comunicáu que más embaxo s’axunta.
Amás de pidir, esixir, la retirada de tolos cargos contra Alfon, refugóse tamién l’actitú de represión que caltien el Gobiernu directamente o al traviés de les instituciones, bien dende’l poder xudicial o dende la policía.
N’Asturies hai nestos momentos más d’un centenar d’imputaos pindios de les decisiones xudicial y policial. Los cargos presentaos tán rellacionaos colos movimientos social y llaboral, unos derivaos del conflictu de la minería y otros sectores llaborales y otros por oponese al desallugu o desahuciu de viviendes y, más apocayá, pola fuelga del 14-N y posterior manifestación en Xixón.
Al rematar la concentración el organizadores recordaron que mañana vienres Alfon va participar nuna mesa redonda nel salón d’actos del Antiguu Institutu de Xixón. Van Acompañar a Alfon na mesa, la so madre, Elena, la so novia y Willi Toledo, xuntu con un numberosu grupu de represaliaos asturianos.

Fonte: Asturbulla